面粉貓

今天惠蒙老老師大駕光臨, 不勝感激, 還有幸得到老老師的賜教, 如何製作面粉貓.


我造果d面粉貓當然古古怪怪喇, 老老師除左教整面粉貓外, 當然都有把握時間同佢最愛既豬豬玩.

紅莓牛奶芝士餅

我記得我離開鬼地獄後, 己經下定決心要繼續我既蛋糕學習, 之前都寫過一篇關於我要做的事(得閒摷返出黎先)

終於, 下定決心, 揀左<私房蛋糕>去學整蛋糕.

呢間學校幾好, 雖然我每堂都遊魂, 亞sir miss都將近俾我激死左, 但佢地都仲肯教我, 我每堂都俾人"哼"住個頭, 邊學野.


呢個己經係第三堂既蛋糕, 賣相ok, 我返屋企都有練習, 當然都整左兩次先可以自己獨自完成到.

豬豬的睡房

其實我都唔明, 亞豬係點樣發掘呢個新地方, 而家仲就周時跳上去訓覺, 當正係自己間房咁.

兩位小姐的坐姿

很有霸氣的老虎貓

很優雅的B

V腳

我諗我要係部腦度加返個兒童鍞, 點解亞豬會學左老金v腳架?

小童紅色斗篷

繼小童外套及茄士咩毛衣後, 我的好友再添了一位千金, 我為公平起見, 再織了一件斗篷給她的小女兒.

這次因款式問題, 我特意買了與原裝一樣的珠珠冷, 顏色就選了, 很搶眼的紅色, 小朋友著這種紅色, 一定無問題.

這件斗篷不是太難, 較特別的只是"輪織", 近頸的位置需要換較短的織針. 珠珠冷也是我第一次織, 最初不點不習慣, 很在意究竟粒珠珠是在面還是在底, 後來發現只要順其自然就可以了.

反領是需要縫合的, 當然縫合是我的弱頂, 又需要勞煩他人了.

這件斗篷是和茄士咩毛衣一併交到我的好友手上, 當晚她就致電給我....

她說...我有點問題, 究竟這個紅色的東東是裙嗎?
我答...唔係呀, 係斗篷呀, 你有無聽書架!
她說...哦, 唔怪得我頭先著係我個女條腰度, 好似怪怪咁喇.
我...(己經無野好講)

不過, 現時這件斗篷是過大, 她說希望她的女兒在年底能著這件斗篷參加我的big day...

原圖的款式, 我也覺得襯了帽子也不錯.

霧

某日早上...

小童v領上衣

某天, 和一個很久沒有聯絡的好友相聚, 她告訴我, 當初打算織毛衣給她的男朋友(現己是老公)的毛冷, 到現在還是原封不動.

既然放了這麼多年也沒用, 我提議我替她織件外套給她的兒子...(連仔都生埋, 可以諗到有幾耐...)

外套己經完成了, 但忘記拍照, 沒記錄.

她收到外套後, 很高興, 對我說, 她很想買一件很暖的毛衣給兒子很久了, 不過童裝店的毛衣總是不太暖.

我聽後, 提議, 不如再為她的兒子織一件茄士咩毛衣, 茄士咩比羊毛暖.

回家後, 到處找合適的毛冷, 最後經幫助後, 買了這款茄士咩毛冷.

款式是跟男裝成人款式, 只是針號用細的, 其實在織法針數手功上, 是和一件原裝成人毛衣相等.

完成後, 我也很滿意製成品, 因為茄士咩是昴貴的毛冷, 一般也是用最簡單平實的圖案, 最好是平針, 所以合用的款式也不是太多.

這款就剛好合用了. 當然平針部份, 我己經多次一邊織一邊中眼訓....

吊橋

亞米, 你究竟想點? 扮橋?

爭位 加碼版

除左俾亞米同老虎霸晒我地兩張椅外, 亞b都不甘示弱, 霸埋剩張腳椅, 我地呢次真係要坐地下睇電視.

木糠布甸

繼西米布甸食唔死後, 我又一條氣, 再黎, 今次整木糠布甸.

又再係"為食貓"揾食譜...
木糠布甸蛋糕 食譜

原來白色果層, 就係cream同鍊奶整既. 超肥.

睇個食譜, 真係好似好易. 點知, 我今次衰左.

d瑪利餅(即係啡色果層)落得太厚, 食落口, 成口餅, 差d噴餅.

西米布甸

搬左新屋後, 我刻意將個焗爐放在易用及當眼的位置, 提醒自己, 係有一個焗爐既.

今日,就無無聊聊試下個爐有無壞...整左個西米布甸.

食譜就跟左"為食貓"果個...
焗蓮蓉西米布甸 食譜

味道算ok喇, 我覺得個面唔夠香口, 不過咁耐無用過個焗爐, 我都仲識開到爐, 焗到野, 都算係咁架喇.

花冷V領娃娃裝

花冷V領娃娃裝

線材: Sirdar Luxury Soft Cotton 4ply (colour 656)
針號: 日本鈎針 6/0號 (上身部份), 7/0號 (扇形下身部份)
尺寸: 上身-60cm, 扇形下身-112cm, 衫長-57cm
製作日期: 2008年3月, 約三星期

某年, 我到日本旅行, 當然一定會到書店買編織書.
在眾多合意的編織書中, 我只能買三本回港, 這便是其中一本.
當時封面的這件花冷毛衣, 是令我選這本編織書的其中一個原因.
其實, 在那一刻, 也知道自己很儍, 這件衫是美在毛冷, 不是款式, 若我不是用原裝毛冷, 並不能織成這個效果.

有一天, 在旺角的一間毛冷店, 無意中看到這本書放在櫥窗的當眼位置.
旁邊寫著"有原裝毛冷出售".
oh...我急不及待, 買了這件上衣的毛冷回家.
最終, 也不辜負我買了這本書了.

紫色手織男裝背心

紫色手織男裝背心

又是忘記了何時織, 曾織過一件好嬌的紫色背心, 款式是跟一本男裝書的封面圖樣, 心想, 封面的款式一定是最好的, 當然, 完成品真的不太差.
但是, 又是中看不中用的背心, 要很瘦削的人才能穿得好看....